देवदह नगरपालिकाद्वारा आ .व.२०८०/०८१ को प्रथम त्रैमासिकमा ७४ दशमलब ४२ प्रतिशत राजश्व संकलन गर्न सफल

देवदह साप्ताहिक

देवदह नगरपालिकाले आ.व.२०८०/०८१ को प्रथम त्रैमासिकमा लक्षको ७४ दशमलब ४२ प्रतिशत राजश्व संकलन गर्न सफल भएको छ / तीन महिनाको अवधिमा १ करोड ४५ लाख ६० हजार १७४ रूपैयाँ राजश्व संकलन गरेको देवदह नगर पालिकाले जनाएको छ / चालू आर्थिक वर्षमा १८ करोड ४१ लाख ६० हजार राजश्व संकलनको लक्ष्य लिएको नगरपालिकाले प्रथम त्रैमासिकमा अपेक्षित लक्ष्यको ७२ दशमलब ४२ प्रतिशत मात्र राजस्व संकलन गर्न सकेको हो / प्रथम त्रैमासिकमा राजश्व बुझाउनेले १० प्रतिशत छुट पाउने व्यास्था नगर पालिकाले गरेको थियो /

प्रथम त्रैमासिक प्रगति तथा समिक्षा कार्यक्रममा राजश्व शाखा प्रमुख विष्णु प्रसाद बस्याल र सहायक सृजना ओलीले प्रस्तुत गरेको तथ्यांक अनुसार देवदह नगरपालिका कार्यालयले प्रथम त्रैमासिकमा बिभिन्न शीर्षकमा ४४ लाख ८४ हजार २०७ रूपैया राजश्व संकलन गरेको हो   ।

सबैभन्दा धेरै राजश्व संकलन वडा नं. ७ मा

वडा तर्फ सबैभन्दा धेरै राजश्व वडा नं. ७ ले संकलन गरेको छ । १२ लाख ९६ हजार ५६७  राजश्व संकलन गरेको वडा नं. ७ लाई वडा नं. ५ ले पछ्याईरहेको छ  ।  वडा नं. ५ ले १२ लाख ९४ हजार ४९० राजश्व संकलन गरेको छ  ।

कम राजश्व संकलन हुने वडामा वडा नं. ३ को कार्यालय ५ लाख ४० हजार ८२६, वडा  नं. १० को कार्यालय ५ लाख ५० हजार ५४४ र  वडा नं. ६ को कार्यालय ५ लाख ६० हजार ९४७ रूपैया रहेका छन  । यी वडामा छ लाख भन्दा कम राजश्व संकलन भएको छ  ।

कुन वडाबाट कती  राजश्व संकलन ?

कुन शीर्षकमा कती  राजश्व संकलन ?

शीर्षकगत रूपमा देवदह नगरपालिकामा सबैभन्दा धेरै राजश्व बहाल विटौरी करबाट ३६ लाख ५८ हजार ४९९ संकलन भएको छ भने सबैभन्दा कम राजश्व संकलन न्यायिक दस्तुरबाट २०० रूपैयाँ संकलन भएको छ  ।

त्यसैगरी देवदह नगरपालिका क्षेत्रभित्र लाग्ने सम्पुर्ण हाटवजारहरु ठेक्का प्रकृयाद्धारा पुर्ण रुपमा सञ्चालन भएको  र व्यवसाय कर, मनोरञ्जन कर, बहाल बिटौरी कर लगाएतका कर दाखिलाको लागि सम्बन्धित संघ संस्थाहरुलाई पत्राचार गरिएको समेत देवदह नगरपालिकाले जनाएको छ  ।